【台語世界】澎湖好七桃

文／侯亮廷（Hâu Liāng-têng）、廖建豪（Liāu Kiàn-hô）、劉宜訢（Lâu Gî-him）、蔡婷宇（Chhòa Têng-ú） 1. 旅途期待kah向望阮是來自成大台文系ê學生。這2、3冬來tī台文系讀冊訓練ê過程當中，m̄-nā學著文學，歷史hām語言學ê智識，mā有表演藝術kap地方文化ê水。Chit-má阮希望來kā chia-ê智識chah出來教室hō͘伊行入土地。Tī這10工ê過程阮會透過訪問體驗來了解澎湖在地ê歷史文化，去走chhōe在地移民工ê故事，傳統音樂ê傳承，廟宇文化kap在地歷史。 2. 來自草地ê聲音葉成仁，少年時leh做漁工掠漁。有一pái tī高雄上岸起- -來了後，意外聽著楊秀卿老師彈〈車鼓調〉，hō͘伊這種旋律迷tiâu leh。了後開始深入研究傳統漢樂。葉成仁老師上出名ê著是〈討海歌〉。內容是leh講討海ê艱苦。第一艱苦掠大緄，第二艱苦紡飛輪，第三艱苦車bē順，第四艱苦leh眩船，第五艱苦kâng煮飯，煮kah三鼎……。澎湖ê台語Youtuber—海腳囡仔頭起先是因為興趣，mā是因為熟似伊ê語言hām伊ê家鄉。伊ê本業是tī國中教數學。M̄-koh tī教學ê過程，伊mā希望會使透過一寡趣味kah學生khah倚leh。雖然本底算是leh做好耍niā-niā，m̄-koh愈做愈有意思。對海腳囡仔來講，台語是伊tī厝內底leh使用ê語言，mā是hām序大人pôaⁿ-nóa感情ê連結。所以台語對伊來講是一ê chiâⁿ親切、溫暖ê陪伴。M̄-koh海腳囡仔mā講，大漢了後伊發現身軀邊會曉台語ê人愈來愈少。其實tī澎湖leh使用台語ê狀況mā無講kài樂觀！學生囡仔講台語、聽台語ê能力lóng沓沓仔leh流失。Tō算是學校內底本土語言ê課程mā感覺khah親像是型式上ê進步。若是無hō͘囡仔一ê使用台語ê環境，tō無法度真正培養出囡仔ê語言能力。Koh有，伊mā發現囡仔會有一種”講台語足sông” ê想法。這mā是伊beh改善ê方向。伊會chhōa學生囡仔做伙拍拚，mā會tī教冊ê過程用台語hām學生開講，希望會使hō͘ in有一ê會使講台語ê伴。 [caption id="attachment_48808" align="alignnone" width="701"] 阮是來自成大台文系ê學生。圖／《台灣字雜誌》提供[/caption] 3. 美麗海洋島海洋對澎湖來講會當講是上重、上要緊ê心頭肉。伊保存澎湖珍貴ê文化資產，推sak經濟ê發展，mā包容無仝款ê族群。 Tī 這遍歇熱阮來到澎湖，走chhōe台灣文化ê腳跡。M̄-nā聽著特別ê澎湖腔台語，mā tī 旅行ê過程中透過訪談去了解海洋教育ê生湠，傳統藝術ê智慧，在地創新ê實踐。恁kám知影tī這chōa旅途中阮m̄-nā聽著一ê人kā阮講因為少年人ê流失致使真濟移工開始做伙參與扛武廟ê文化？這hō͘宮廟tī全球化ê時代mā展現出多樣ê色彩！ 4. 啥物是台灣文化？ Tī澎湖應該是清芳ê風茹茶配khiū-tè-tè ê 烏糖粿，看海面頂頭光sih-sih ê群島風釆hām古厝聚落ê水。 10工過- -去，阮發現有一陣人，in單純樸實，勤儉頂真。逐工kan-na為著一日三頓骨力拍拚；有魚tō掠、有菜tō食、惜

文／侯亮廷（Hâu Liāng-têng）、廖建豪（Liāu Kiàn-hô）、劉宜訢（Lâu Gî-him）、蔡婷宇（Chhòa Têng-ú）

1. 旅途期待kah向望

阮是來自成大台文系ê學生。這2、3冬來tī台文系讀冊訓練ê過程當中，m̄-nā學著文學，歷史hām語言學ê智識，mā有表演藝術kap地方文化ê水。Chit-má阮希望來kā chia-ê智識chah出來教室hō͘伊行入土地。Tī這10工ê過程阮會透過訪問體驗來了解澎湖在地ê歷史文化，去走chhōe在地移民工ê故事，傳統音樂ê傳承，廟宇文化kap在地歷史。

2. 來自草地ê聲音

葉成仁，少年時leh做漁工掠漁。有一pái tī高雄上岸起- -來了後，意外聽著楊秀卿老師彈〈車鼓調〉，hō͘伊這種旋律迷tiâu leh。了後開始深入研究傳統漢樂。葉成仁老師上出名ê著是〈討海歌〉。內容是leh講討海ê艱苦。

第一艱苦掠大緄，第二艱苦紡飛輪，第三艱苦車bē順，第四艱苦leh眩船，第五艱苦kâng煮飯，煮kah三鼎……。

澎湖ê台語Youtuber—海腳囡仔頭起先是因為興趣，mā是因為熟似伊ê語言hām伊ê家鄉。伊ê本業是tī國中教數學。M̄-koh tī教學ê過程，伊mā希望會使透過一寡趣味kah學生khah倚leh。

雖然本底算是leh做好耍niā-niā，m̄-koh愈做愈有意思。對海腳囡仔來講，台語是伊tī厝內底leh使用ê語言，mā是hām序大人pôaⁿ-nóa感情ê連結。所以台語對伊來講是一ê chiâⁿ親切、溫暖ê陪伴。M̄-koh海腳囡仔mā講，大漢了後伊發現身軀邊會曉台語ê人愈來愈少。其實tī澎湖leh使用台語ê狀況mā無講kài樂觀！學生囡仔講台語、聽台語ê能力lóng沓沓仔leh流失。Tō算是學校內底本土語言ê課程mā感覺khah親像是型式上ê進步。若是無hō͘囡仔一ê使用台語ê環境，tō無法度真正培養出囡仔ê語言能力。Koh有，伊mā發現囡仔會有一種”講台語足sông” ê想法。這mā是伊beh改善ê方向。伊會chhōa學生囡仔做伙拍拚，mā會tī教冊ê過程用台語hām學生開講，希望會使hō͘ in有一ê會使講台語ê伴。 [caption id="attachment_48808" align="alignnone" width="701"] 阮是來自成大台文系ê學生。圖／《台灣字雜誌》提供[/caption]